unnþór jónsson

Pylsupasta á la Hakönd

2011-09-22T20:35:00.005Z

- veitingastaðurinn staðsettur í skítugri kjallaraholu

- kokkurinn vaknaði ekki fyrr en 7 og matur var tilbúinn 8 sem er óguðlegur tími fyrir kvöldmat

- ég þurfti að leggja sjálfur á borð

- aðeins 1/4 L til af kóki þannig að ég fórnaði mér fyrir liðið og drakk vatn

+ bragðgott pylsupasta sem er ólöglegum stauk af Season-All að þakka

+ fjölbreytt pylsupasta (beikon og paprika með), sem er jákvæð tilbreyting frá einhæfa pylsupastaréttinum hans Steina

- þurrt pasta þar sem tómatsósan kláraðist við matargerð

+ gott hvítlauksbrauð

+ 50" tommu sjónvarp með 500GB flakkara til að horfa á yfir matnum

- ég þurfti sjálfur að vaska upp

Samtals einkunn: - 2 stig

We shan't be telling your mother this, shan't we?

2011-08-10T20:28:00.015Z

Ein uppáhaldssíðan mín á netinu er arrestedwesteros.com. Þetta er cross-over myndablogg þar sem skjámyndum úr HBO þáttunum Game of Thrones er blandað saman við tilvitnanir úr bestu gamanþáttum allra tíma, Arrested Development. Myndin hér að neðan af baðhúsinu brenna gaf mér þá hugmynd að splæsa saman myndum sem ég fann á facebook við Arrested tilvitnanir. Aðeins þeir sem hafa horft á Arrested og virkilega fíla þættina munu fatta brandarana. Hinir mega drulla sér á bleikt.is eða flickmylife.com og halda áfram með líf sitt.

Créme de la créme myndin er svo neðst. Það þarf að klikka á myndina til að sjá textann almennilega.

Ég tók myndirnar ófrjálsri hendi af facebook og er tilbúinn að mæta lagalegum afleiðingum.

Arrested atriðið.

Bestur: Daniel Tosh

2011-06-15T20:14:00.002Z

Daniel Tosh er grínisti frá Bandaríkjunum sem er þekktastur fyrir þætti sína Tosh.0. Ég kynntist honum (ekki persónulega) fyrir rúmu ári síðan og umsvifalaust póstaði efni frá honum á facebook í þeirri von að fleiri myndu kynna sér snilli hans. Ég hef hinsvegar verið að spurjast fyrir hvort fólk þekki hann og nær enginn virðist kannast við hann. Ég tel mig því tilneyddan til þess að gera honum frekari skil.

Að mínu mati er Daniel Tosh einn sá fyndnasti í dag. Stíllinn hans er grófur. Afar grófur. Svo grófur að stundum þegar maður veltist um af hlátri þá getur maður ekki annað en hugsað "má þetta!?". Hann gerir grín að lituðu fólki, fötluðu fólki, fátæku, feitu fólki - einfaldlega öllum minnihlutahópum. Hann segir hluti sem eru politically incorrect. Konur eru oft skotmark hjá honum. Nauðganir og barnaklám eru efni í brandara. Samt gerir hann þetta allt svo lystilega að maður fær engan móral yfir því að hlægja. Og áður en þú segir að slík viðfangsefni megi aldrei gera grín að þá mæli ég með að hlusta á brandarana og sjá hversu meinlausir þeir eru í raun og veru. Eins og þessi um barnið hjá Brad Pitt og David Beckham.

Jokes.com

Daniel Tosh - Pitt/Beckham Baby

comedians.comedycentral.com

Daniel Tosh Stand-Up

Daniel Tosh Tour

Daniel Tosh Jokes

Líkt og ég sagði þá er hann þekktastur fyrir þætti sína Tosh.0. Í þáttunum þá sýnir hann vinsælustu vídjóin á Youtube/Internetinu og segir brandara á meðan. Svo fær hann til sín þekktar Youtube-stjörnur eins og Tay Zonday (chocolate rain), David After Dentist og íslandsvininn Double Rainbow Guy. Þátturinn er í sinni þriðju seríu og vex sífellt í vinsældum. Til að mynda tók hann fram úr bæði The Daily Show og Colbert Report í áhorfi. Í þessari klippu fær hann nokkrar stelpur sem fríkuðu aðeins of mikið út út af American Idol í svokallað Web Redemption.

Á Youtube má finna klukkutíma uppstiand í 7-pörtum frá Daniel sem heitir Completely Serious. Í þessum link má finna fyrsta part en hérna að neðan er 10 mínútna bútur með sumu af því besta.

Best: Game of Thrones

2011-05-17T11:49:00.001Z

Þegar það kemur að því að gera hágæða drama- og/eða spennuþætti þá kemst enginn með tærnar þar sem HBO hefur hælana. The Sopranos, The Wire, Band of Brothers og Boardwalk Empire er dæmi um hversu megnugt HBO er þegar kemur að framleiðslu á hágæða goodshit watch-till-your-jaw-drops sjónvarpsþáttum.

Fyrir mánuði síðan hófust sýningar á nýjasta stórvirki HBO, Game of Thrones. Þættirnir eru byggðir á metsölubókum George R. R. Martin og er medieval fantasíu saga sem er í tveimur orðum sagt fokking epískt. Þetta er eins og eitthver sagði "Lord of the Rings meets Sopranos".

Án þess að fara eitthvað djúpt út í söguþráðinn þá eru þættirnir um valdabaráttu um krúnuna í heiminum Westeros. Þetta er ekki týpísk good vs. evil saga því enginn karakter er þar sem hann er séður. Það er mikið um blóðsúthellingar, svik, græðgi og kynlíf. Sem sagt, allt það áhugaverða í lífinu.

Sean Bean er í aðalhlutverki í þáttunumog fokk hvað sá maður kann að leika. Hann er líklegast þekktastur fyrir hlutverk sitt sem Boromir í Lord of the Rings. Hann er algjörlega fullkominn fyrir hlutverk sitt sem Ned Stark í þáttunum.

Bestur: Demitri Martin

2011-04-20T00:30:00.013Z

Flestir uppistandarar hafa sinn eigin stíl en það eru fáir sem skera sig virkilega úr þegar kemur að því að gera eitthvað frumlegt. Eitthvað sem er svona outside the box. Demetri Martin er einn þeirra. Á Wikipediu síðunni hans er stílnum hans lýst svo:

Martin is known for being an unconventional stand-up comic. He uses extensive wordplay (particularly paraprosdokians), one-liners, drawings on a "large pad", as well as accompanying his jokes with music on either guitar, harmonica, piano, keyboard, glockenspiel, toy bells, ukulele or tambourine—sometimes all at once.

Demetri Martin er einfaldlega awesome. Hann er ekki in-your-face hávær og pirrandi eins og Dane Cook né er hann stanslaust að segja óviðeigandi móðgandi brandara. Hann segir bara marga mjög sniðuga brandara, oft orðaleikir, í frekar þurrum stíl. Án efa einn af mínum uppáhalds uppistöndurum.

Hér er einskonar sjálfsævisögulegt uppistand sem heitir If, I. Demetri segir sögur úr sínu lífi í gegnum orðin If og I. Fyrir utan að vera meinfyndið þá fær þetta mann líka til að hugsa. Þannig að ef þú ert að leita að innihaldslausu gríni sem krefst engrar heilanotkunar þá horfirðu ekki á þetta. Þá myndi ég frekar mæla með þessu. Fyrir ykkur hin sem eruð smug eins og ég þegar kemur að húmor og viljið fá meira út úr gríninu þá verðið þið að horfa á þetta.

7 fyndnustu gamanþættirnir núna

2010-10-31T17:42:00.006Z

1. South Park

Fishsticks
Tags: SOUTH
PARK more...

2-3. 30 Rock

2-3. It's always sunny in Philadelphia

4. Parks and Recreation

5. Modern Family

6. How I Met Your Mother

7. The Big Bang Theory

Trúarvilji

2010-01-07T13:45:00.001Z

"Allur félagsskapur lifir á þeirri trú hvers einstaklings, að ef hann geri skyldu sína, geti hann búist við því sama af öðrum. Allur árangur samvinnu er undir því kominn, að þessi trú sé til áður en á hana reynir. Þetta á við, hvort sem þessi félagsskapur er heill her, kaupfélag, skipshöfn, háskóli eða íþróttaflokkur. Án slíkrar trúar verður aldrei neitt færst í fang, hvað þá að því verði komið til leiðar. Farþegar í heilli járnbrautarlest (sem hver um sig eru ekki huglausari en gengur og gerist) láta fáeina stigamenn ræna sig, blátt áfram af því að ræningjarnir geta treyst hver á annan, en hver farþegi hugsar sem svo, að ef hann reyni að verjast, verði hann skotinn áður en nokkur komi til liðs við hann. Ef vér værum þess fulltrúa, að allir í vagninum væru samtaka um að veita viðnám, þá mundi hver um sig hiklaust búast til varnar og lestarrán hverfa úr sögunni. Það getur þá staðið svo á, að verk sé ekki unnið nema með því skilyrði, að trúað sé á það fyrirfram. En ef trú á einhvern hlut getur hjálpað til þess að skapa hlutinn, þá er það óðs manns æði að kalla það ,,verstu tegund samvizkuleysis" fyrir hugsandi mann að trúa áður en full sönnun sé fengin! Og þó er það með slíkri rökvísi, sem alvissumenn ætla sér að leggja oss lífsreglurnar."

- William James, 1896

Er Kobe Bryant mest clutch?

2009-12-20T17:12:00.002Z

Ekki samkvæmt tölfræðinni:
#1
#2
#3

Sturluð kona á Íslandi kemst í Guinness World of Records fyrir að tala út úr rassinum á sér í 15 mínútur

2009-08-10T03:41:00.005Z

Sjáandinn Lára Ólafs var í viðtali hjá Simma og Jóa á laugardaginn. Getið fundið viðtalið hér, það byrjar í kringum 1:46 eða svo. Þá var ég búinn að blogga um hana áður hérna.

Þá var hún líka í viðtali í Harmageddon þar sem Frosti reif hana í sig. Hún og maðurinn hennar selja sumarhús sem þau kalla Earthquakehouse. Þegar hún fór í viðtal hjá Vikunni þar sem hún kom fyrst fram með spána þá birti hún auglýsingu í blaðinu þar sem hún auglýsti þessi hús. Tilviljun? Nei, konan er einfaldlega rotta sem setti þessa spá fram til þess að reyna að selja fleiri hús.

Simmi og Jói hringdu sem sagt í hana því þeir töldu að hún hefði haft "rétt fyrir sér" því jarðskjálftinn sem hún var búin að spá um 27. júlí gerðist nokkrum dögum seinna. Sjáendur og miðlar hafa alltaf skekkjumörk og ef jarðskjálftinn kæmi í dag þá væri samt hægt að snúa upp á þetta þannig að hún hefði haft rétt fyrir sér*. Í viðtalinu heyrðist hversu ómælsk konan er. Þegar hún hefur ekki haft tíma til að skálda upp lygina nógu vel þá snýst hún hringi og bullar eitthvað. Það væri æðislegt að geta fengið transcript af viðtalinu því hún hikstar stanslaust og baunar út sér endalaust af ókláruðum setningum sem eru í engu samhengi. Sem dæmi, þá spurðu þeir hana hvað það væri sem hún sæi í tengslum við Madeleine McCann. Þetta sagði hún:

"Ég bara sá bara fyrir þetta ... sko.. hvernig á ég að segja þetta. Land.. landslag, stað.. sem að var fyrir utan borgina. Þar sá ég í ha.. Madeleine. Mér finnst svo erfitt að útskýra hvernig maður sér þetta, það er eiginlega svo erfitt.. sko hvernig á ég að geta vitað þetta. Og svo kemur þetta allt í ljós. Eitthvað sem segir sko.. veistu ég velti þessu rosalega fyrir mér."

Hvað í andskotanum ertu að bulla kona? Hvaða sýn sástu? Drullaðu því út úr þér! Þú fékkst ákveðna sýn - lýstu henni. Þetta á ekki að vera erfitt. Þú gast skrifað bréf um það til Scotland Yard með teikningum af staðnum en samt gastu ekki gefið upp eina litla lýsingu í útvarpsþættinum. Allavega, bara svo það sé á hreinu þá er McCann fjölskyldan búin að fá yfir 1.000 ábendingar frá sjáendum og miðlum og viti menn: EKKI RASSGAT. En nei, gefum Láru Ólafs séns til að eyða dýrmætum tíma lögreglunnar. Svo ræddu þau þessi mál stuttlega og þá lét hún þennan gullmola frá sér:

"Maður á aldrei að efast. Aldrei að efast um neina svona hluti."

What a load of crap! Aldrei að efast? Ég held að aumingja konan átti sig ekki á því sem hún er að segja. Ég ætla ekki einu sinni að fara nánar út í þetta, þetta á að vera svo borðliggjandi. Kellingin hélt áfram:

"Eru ekki í mörgum lögreglustöðum út í heimi þar sem þeir eru með sjáanda og miðla sem eru að hjálpa til við að finna týnt fólk?"

Öhh nei.

Svo spurðu þeir hana út í Geirfinns málið og það var áhugavert. Mjög áhugavert. Það var það áhugavert að eftir að hafa hlustað á það þá vissi ég ekki hvort ég ætti að hlægja, gráta eða fara á klósettið að skíta.

"Ég myndi ekki einu sinni þora að segja ykkur það sem ég ætlaði að fara að segja ykkur með það er eitt sem að ég svona.. held svona sem mér finnst skrýtið það mál eitthvað"
"Eitthvað sem þú hefur séð um það?"
"Ég er náttúrulega búinn að sjá það en ég bara þori bara ekki að tala orðið neitt út af því að. Fólk bara.. fólk dæmir mig þó manni finnist aldrei rétt að nokkur dæmi nokkurn mann "
...
"Hvað með Geirfinn?"
"Ég skal segja þér það í síma ef þú hringir í mig á eftir."
"Þú vilt ekki segja það beint?"
"Ég veit ekki hvort að.. hvað maður ætti að þora sko. Æji ég veit það ekki, ég.. ohh.. við skulum bara sjá.. ég skal bara tala um það seinna, eigum við bara ekki að tala um eitthvað annað? Hvað hérna.. eitthvað annað sem þið viljið?"
"Þú hefur þínar hugmyndir?"
"Ég hef mínar hugmyndir."
"Það hefur enginn brugðist við því?"
"Ég hef ekki talað um það við nokkurn mann...ég var eitthvað, ég var eitthvað.. var ekki eitthvað verið að tala um það eitthvað um daginn, eitthvað nýtt komið upp?"
"Nei nei."
"Er hann ekki bara eitthversstaðar í útlöndum?"
"Er hann í útlöndum lifandi, er það tilfinningin þín í þessu máli?"
"Eigum við bara ekki að segja það, ég náttúrulega veit það ekki, bara mín tilfinning ég hef ekki hugmynd um það."

Váááááá hvað hún er ótrúlega full of shit. Jesus tapdancing kræst hvar á ég að byrja? Takið eftir því að hún segir "ég er náttúrulega búinn að sjá það". Okei, þú ert náttúrulega búinn að sjá það - auðvitað sjálfsagt að fremsti miðill landsins sé búinn að leysa stærsta mannhvarfsmál Íslands en heldur því bara fyrir sig. Frábært, og hvar segirðu að Geirfinnur sé? "Er hann ekki bara eitthversstaðar í útlöndum?" Hahahaha er þetta besta sem þú gast gert? Þú ert svo ógeðslega léleg í þessu að þú getur ekki samið upp neitt betra en þetta á staðnum. Svo endar hún þetta með stóru sprengjunni "Eigum við bara ekki að segja það, ég náttúruleg veit það ekki, bara mín tilfinning ég hef ekki hugmynd um það?" Halló byrjaðirðu ekki á að segja "Ég er náttúrulega búinn að sjá það" en endar síðan með því "ég náttúrulega veit það ekki". Djöfull ertu ógeðslega léleg í þessu. Þú ert miðlum til skammar!

*áhugaverðar tölfræðileg greining á þessari "spá" hennar í athugasemd nr. 3 í þessu bloggi.

Sturluð kona á Íslandi veit hvar Madeleine McCann er

2009-07-27T17:05:00.003Z

Lára Ólafsdóttir sjálfstitlaður "sjáandi", spáir fyrir um stóran jarðskjálfta kl. 23.15 í kvöld. Hún var á X-inu áðan þar sem hún sagði "hvort sem þetta gerist eða ekki þá varaði ég allavega við þessu." Já ókei, frábært. Lottótölur næstu viku eru 14-25-20-5-6, hvort sem það verða tölurnar eða ekki þá sagði ég allavega frá þeim. Ótrúlegt hvað svona miðlar/sjáandar hafa stór skekkjumörk. Afhverju eru þessar sýnir svona óljósar? Sérðu þetta eða sérðu þetta ekki? Nei þau sjá þetta ekki - þau giska. Þau giska á slatta af hlutum sem oftast eru líklegri til að gerast á ákveðnum tíma. Sem dæmi þá er mikil jarðskjálftavirkni á Íslandi í dag þannig að jarðskjálftaspá er ekki svo vitlaus. Það er alveg nauðsynlegt að minna á það þegar þessar spár rætast ekki. Fólk vill oft taka því sem sönnum að sjáandar búi yfir eitthverjum hæfileikum þegar það nær einni spá réttri. Sannleikur er hinsvegar sá að rétt spá er undantekning.

Einnig sagði hún í viðtalinu að hún vissi hvar Madeleine McCann er. Hún sagðist fá sýnir þar sem hún sér staðinn þar sem hún er. Hún er búinn að skrifa Scotland Yard og foreldrum hennar bréf og vonar innilega að hún finnist. Alveg æðislegt. Leitan að Madeleine McCann er hugsanlega stærsta mannsleit allra tíma, þvílíkt fjölmiðlafár út um allan heim og stelpan einfaldlega finnst ekki. Sem betur fer er biluð kona á Ísland sem veit hvar hún. Nú segi ég biluð af því miðlar og sjáandar eru annað hvort bilaðir eða eru að ljúga, og þessi kona hljómaði of einlæg til að vera að ljúga.

Allavega, ef hún veit hvar hún er en Scotland Yard of foreldrar Madeleine svara henni ekki (sem er mjög skiljanlegt) afhverju flýgur hún bara ekki sjálf á þennan stað og nær í stelpuna!?

Aldrei hafa svona sjáandar náð að hjálpa til við mannsleit - þetta tilfelli er ekkert öðruvísi.

Allavega, þetta minnir mig á þennan South Park þátt - Cartmans Incredible Gift.

One hundred birrrion dorrars

2009-06-12T19:07:00.004Z

Það hefur væntanlega ekki farið fram hjá neinum að Cristiano Ronaldo var seldur í gær frá Manchester United til Real Madrid fyrir €80 milljón sem samsvarar 14.4 milljörðum króna. Af þessum €80 þá fær hann ca. €11 milljónir eða 2 milljarða króna í laun fyrsta árið af 6 ára samningnum og svo hækkar samningurinn hans um 25% milli ára. Samkvæmt því þá ættu launin hans milli ára að líta svona út:

1. ár: 2.006.115.000 kr.
2. ár: 2.507.643.750 kr.
3. ár: 3.134.554.687 kr.
4. ár. 3.918.193.359 kr.
5. ár: 4.897.741.699 kr.
6. ár: 6.122.177.123 kr.

Samtals: 22.586.425.618 kr.
Meðaltal á ári: 3.764.404.269 kr.

Árið 2014 er Ronaldo með 200 kr. í laun á sekúnduna, 12.000 kr. á mínútuna, 700.000 kr. á klukkutíman og 17 milljónir á dag. Og ástæðan fyrir því að ég valdi þessa mynd frekar en aðra er svo að fleiri myndu skoða bloggið mitt þegar ég set þetta á facebook.

Síðasta árið sitt er hann því að þéna meira en 6 milljarða á ári fyrir að sparka tuðru. Sem hann gerir reyndar nokkuð vel. Nú langar mér að bera þetta saman við laun þeirra stærstu í NBA. Fyrst þegar ég frétti af því að hann væri að þéna tvo milljarða á ári þá fannst mér það ekkert spes því þetta voru laaangstærstu kaup á fótboltaleikmenni allra tíma en með tvo milljarða þá yrði hann einungis í 17. sæti yfir launahæstu NBA leikmennina. Rétt svo á eftir Rashard Lewis og rétt svo á undan Pau Gasol sem eru einmitt að keppa í NBA Finals um þessar mundir.

Hinsvegar þegar tekið er inn í þessa 25% launahækkun á milli ára þá kemur þetta allt öðruvísi út. Ef við miðum við meðaltalslaunin hans sem eru 3,8 milljarðar á ári þá er hann þó nokkuð launahærri en launahæsti leikmaður NBA sem er Kevin Garnett en hann fær $24.750.000 í laun á ári sem eru 3,17 milljarðar króna. Ef miðað er við síðasta árið hans hjá Real þá er hann næstum því tvöfalt launahærri en launahæsti leikmaður NBA núna. En þetta er bara laun hjá íþróttafélaginu og það er ekki tekið inn í þetta skattar og auglýsingatekjur sem eru svo oftast hærri heldur en sjálf launin.

Á næsta ári þá verður LeBron James free-agent. Ef hann nær ekki að vinna titil hjá Cleveland á næsta ári þá eru getgátur um það að hann skrifi undir hjá New York Knicks og eru allar líkur á því að yrði stærsti samningur allra tíma í NBA. Þó myndi sá samningur alveg örugglega ekki vera stærri en samningur Ronaldo við Real.

Í öllu þessu tali þá má ekki gleyma því að þrátt fyrir alla þá metsamninga og auglýsingasamninga og allt annað þá er enginn fótbolta eða körfuboltamaður nokkurn tíman að fara að komast með tærnar þar sem Tiger Woods hefur hælana. Á fimmta ári á samningi sínum með Real Madrid þá mun Ronaldo fá í laun 6 milljarða króna eða $48 milljón. Bara auglýsingatekjur Tiger Woods í fyrra voru $105 milljón. Á sínum ferli hefur hann þénað um $800 milljónir og innan tveggja ára er reiknað með að hann verði fyrsti íþróttamaðurinn til að vera billjarðamæring. Fyrir það eitt að slá kúlu. Sem hann gerir reyndar nokkuð vel.

Samkvæmt öruggum heimildum þá skeinir Tiger sér með $100 seðlum.

Topp 10 sjónvarsþættir

2009-04-16T21:10:00.014Z

Honorable mention: Futurama, High Stakes Poker, Prison Break, 30 Rock, Dexter.

10. sæti: Little Britain

9. sæti: Penn & Teller: Bullshit!

8. sæti: How I Met Your Mother

7. sæti: It's Always Sunny in Philadelphia

6. sæti: Lost

5. sæti: Death Note

4. sæti: Seinfeld

3. sæti: 24

2. sæti: South Park

1. sæti: Arrested Development

Nings [skyndibitastaður]

2008-11-25T20:32:00.002Z

**/*****
"Overhyped tælenskur matsölustaður þökk sé Bylgju auglýsingum. Fá plús í kladdann fyrir flottar gellur í afgreiðslunni og asískt fólk í eldhúsinu. Mæli frekar með Thai Koon eða Krua Thai."

No Country for Old Men [2007]

2008-11-17T15:03:00.002Z

"Meistaraverk frá Coen bræðrum. Javier Bardem er hrikalegur flottur í þessari mynd. Myndin er einu plott tvisti frá því að komast í hópinn "Ein af bestu myndum sem ég hef séð"."

Serrano [Skyndibitastaður]

2008-11-13T22:14:00.006Z

***+/*****
"Serrano er mexíkanskur skyndibitastaður sem hefur það fram yfir aðra skyndibitastaði að maturinn er hollur. Það kemur sér vel fyrir fólk sem nennir ekki að elda og á í stríði við vigtina. Burrito-in eru bragðgóð og matmikil. Einnig eru þau fín tilbreyting frá pizzu og hamborgara skyndibitastöðunum. Þó það sé að sjálfsögðu kostur hversu troðfyllt Burrito-in eru þá er það líka ókostur. Erfitt er að klára þau án þess að taka einn Birgi Björn á þetta og láta matinn fara út um allt. Á endanum er matarhrúga á plattanum og maður þarf að nota hnífapör til að klára það síðasta og hnífapörin sem maður fær eru lítil óþolandi plasthnífapör. Í samræmi við plasthnífapör eru plastglös fyrir fólkið sem fær sér vatn að drekka. Þetta eru ekki venjuleg stór glær plastglös heldur pínkulítil hvít barnaafmælisplastglös. Sem þýðir að maður þarf ávallt að fara fram og til baka til að fylla á. Þrátt fyrir að hægt sé að láta plasthnífapör og plastglös fara í taugarnar á sér þá er Serrano solid skyndibitastaður."

Quantum of Solace [2008]

2008-11-09T23:56:00.001Z

"Allt í lagi, en I've had better."

Bloc Party - A Weekend in the City [2007]

2008-10-15T19:14:00.001Z

"Ég fílaði hana ekki."

(hugsanlega) Næsti varaforseti Bandaríkjanna

2008-09-30T14:58:00.001Z

Matchstick Men

2008-09-09T09:04:00.004Z

Ég þakka öll kommentin og góða feedbakkið sem ég hef fengið fyrir að blogga aftur.

Þegar ég fór á rækju með pabba í þarsíðustu viku, þá eyddi ég mest öllum dauða tímanum í að horfa á kvikmyndir. Nokkrar góðar myndir eins og Good Will Hunting, History of the World, allt í lagi myndir eins og Just Friends, Two For the Money og piece of shit ég-er-ekki-sjóveikur-en-eftir-þessa-mynd-þá-held-ég-að-ég-sé-það myndir eins og Little Black Book, Employee of the month.

Eina mynd sá ég sem fór beint í Favorite Movies listann. Það er myndin Matchstick Men sem er leikstýrt af Ridley Scott. Hún fjallar um svikahrappinn Roy (Nicolas Cage) sem er með víðáttu- og sýklafælni og vinnur með öðrum svikahrappi við að svindla á fólki. Einn daginn kynnist hann 14 ára dóttur sinni sem hann hefur aldrei séð og þegar hún kemst að því að hann er svikahrappur þá vill hún læra af honum.

Hvað með það. Það sem er dálítið sérstakt við þessa mynd er að þessi mynd fær mann til að líða alveg eins (og nú segi ég þetta því ég hef mikla reynslu af þessari tilfinningu) og manni hafi verið dömpað af stelpu. Það var á ákveðnum tímapunkti þar sem mér leið alveg eins og ég hafi fengið ræðuna "uhh, ég held að þetta sé ekki að ganga". Ég átti meira að segja erfitt með að sofna! Nú er ekki víst að allir upplifi myndina, eða þ.e.a.s. ákveðið atriði í myndinni þannig, en ef eitthver vill prófa og sjá hvort það upplifi sig eins og sér hafi verið sagt upp þá mæli ég með henni.

Burt séð því þá mæli ég samt með henni því þetta er frábær mynd.

Unnþór: Saga nafnsins

2005-10-17T22:23:00.003Z

Ég var að fatta um daginn að ég er 10% af öllum Unnþórum á landinu og 16,7% af öllum sem hafa Unnþór sem fyrsta nafn. Mér datt því í hug að rekja sögu nafnsins Unnþór. Hugsanlega er hér að líta drög af óútkominni bók minni.

Formáli - Staðreynd
Unnþór er fallegasta nafn í heimi

1. kafli - Unnþór I-IV
Fyrsti Unnþórinn fæddist fyrir 57 árum, 24. maí 1948 og var hann skýrður Unnþór Bergmann Halldórsson. Er ég honum og foreldrum hans ævinlega þakklátur fyrir fæðingu og frumlegheit í nafnagerð. Hálfum mánuði síðar, 6. júní, fæddist næsti Unnþórinn og var það Guðmundur Unnþór Stefánsson. Hefði þessi tíðni á nafninu Unnþór haldið áfram á sömu braut þá værum við fleiri. En svo er ekki. Það bar upp á þann merkisdag 17. júní 1953 að þriðji Unnþórinn fæddist og var skýrður Unnþór Snæbjörnsson. 3 Unnþórar á 5 árum. Gott mál. En hið ómögulega skeði. Ekki einum manni eða konu datt í hug að skýra barnið sitt því íðisfagra og kongunslega nafni Unnþór næstu 7 árin. Hans Unnþór Ólason stoppaði það 15. ágúst 1960.

2. kafli - Unnþó V-VIII
Næst kom svo Guðmundur Unnþór Hallson í heiminn 12. ágúst 1965. Hér höfum við 5 Unnþóra á 17 ára tímabili. Útlitið er slæmt og ekki fór það batnandi. Heil NÍU ár liðu! Unnþór Sveinbjörnsson fæddist 11. febrúar 1974. Stuttu á eftir honum fæddist Unnþór Helgi Helgason 11. maí 1976. 7 Unnþórar komnir. Sá áttundi fæddist rétt um ári síðar, 23. maí 1977: Unnþór Torfason. Hér höfum við 8 Unnþóra á 29 árum. Það er u.þ.b. einn Unnþór á hverju fjórða ári.

3. kafli - Unnþór IX
28. júlí 1986 fæddist ég, Unnþór Jónsson. Sá níundi.

4. kafli - Unnþór X
Sá tíundi og seinasti er Ómar Unnþór Björgvinsson og fæddist hann 4. febrúar 1995. Ekki einn Unnþór hefur fylgt í kjölfarið og eru nú liðin 10 ár! 10 ár er lengsta bilið í sögu Unnþóranna. Það voru níu ár á milli Unnþór V og Unnþór VI og líka á milli Unnþór IX og Unnþór X.

5. kafli - Unnþór ekki Unndór, Gunnþór, Unnar, Unnsteinn, Unnmargeir eða önnur afbrigði
Nafnið mitt er oftar en ekki borið fram vitlaust. Ég hef heyrt hundruð útgáfur enda er eðlilegt að fólk sé í losti þegar það heyri jafn fágað og stílfagurt nafn. Algengast er þó Unndór. Það er afar móðgandi.

Eftirmáli
Unnþór er nafn sem komið er til að vera. Þrátt fyrir áratug af engu Unnþórsbarni sem er versta kreppa síðan 86-95 þá held ég að útlitið sé bjart. Fólk mun átta sig á guðdómleika nafnsins Unnþórs og skýra börnin sín þessu óeðlilega besta nafni.